Semana da prensa
A primeira semana de marzo celebramos a semana da prensa por iso a nosa entrada lucía así.
Fixemos lecturas compartidas de diferentes tipos de xornais, descubrimos xornais de diversas partes do mundo, dentro do proxecto de cine demos a coñecer personaxes relacionados co xonalismo que saen en films e unimos a conmemoración do día da muller coa prensa (buscamos mulleres xornalistas, pescudamos boas novas protagonizada por mulleres)
Mes de febreiro
Este es de febreiro temos moitas cousas que conmemorar por iso a entrada da nosa biblioteca enchéuse de libros relacionados coas nenas e mulleres científicas, de Rosalía de Castro e do entroido.
Aquí deixamos a mostra.
Día da Paz
Sen dúbida, unha das conmemoracións máis especias é a do día da Paz xa que nos permite traballar valores, historias e vivencias.
Este ano, decidimos traballar este día dende a lectura do conto "No sin mis cosas preferidas".
Mediante a historia de esta nena que debe encher a súa maleta coas súas cousas favoritas fixemos unha dinámica na que reflexionamos sobre que meteríamos na nosa maleta se de un momento a outro tiveramos que emprender un viaxe sen volta.
E a nosa exposición este ano presidíuna o guernica de Picasso para debatir sobre os conceptos de Paz e Guerra.
Aquí está o resultado:
As persoas que formamos o equipo da Biblioteca Paporrubio queremos desexarvos a todos e todas unhas felices festas en compañía dos vosos seres queridos e unha boa entrada no 2023!
Un nadal de cine
Remata o ano 2022 rubiños e nós podemos dicir que o celebramos por todo o alto xa que o longo de todo o mes de decembro tivemos moitas actividades na nosa biblioteca.
A exposición con libros de nadal presidiu a nosa entrada durante todo o mes con contos en catelán, galego e inglés.
Tamén creamos un calendario de advento especial, xa que cada día propuxemos un reto o noso alumnado, dende adiviñanzas, lecturas de nadal e propostas divertidas como crear unha árbore de nadal humana ou encher unha estrela branca con palabras de nadal.
Outra das actividades foron as recomendacións lectoras, unha actividade de consiste en pedirlle os nenos e nenas que tráian un dos seus contos preferidos e o compartan cos demáis. Sempre é un momento de compartir, de falar, de xerar conversas e preguntas.
Aquí deixamos as recomendación creadas polo alumnado de 2º e o de 4º
3 de Decembro: Día internacional das persoas coa discapacidade
A nosa biblioteca enchéuse de cometas esta semana para conmemorar o Día internacional das persoas con discapacidade. O motivo é que sempre por estas datas colaboramos co Centro Juan María de Nigrán e este ano a proposta foi elaborar cometas que puidemos voar o día 2 de decembro en Praia América nun acto ao que acudimos centros de Nigrán, Gondomar e Baiona.
Co fin de achegar libros de esta temática, a nosa exposición albergou os titulos que aquí vos deixamos!
25 de Novembro: Día internacional da eliminación da violencia de xénero
Que importante é o fomento da igualdade, as lecturas que transmiten aos nenos e nenas que todos somos iguais, sen identidades, sen xéneros, so mirando aos ollos a cada persoa que temos diante de nós.
Este ano para traballar esta data sinalada do calendario escolar pola súa importancia quixemos facer unha actividade en coaboración co equipo plurilingüe.
O alumnado traballou por ciclos catro contos ca temática de igualdade ou eliminación de violencia como son Rosa Caramelo, A historia dos bonobós, O chuvasqueiro de Aurora e Xela volveuse vampira.
Este foi o fermoso resultado
